1. Հայաստանի Հանրապետությունն անդամակցում է հետևյալ ավիացիոն միջազգային կազմակերպություններին`

ICAO /ԻԿԱՕ/ Քաղաքացիական Ավիացիայի Միջազգային Կազմակերպություն

Միջազգային քաղաքացիական ավիացիայի մասին կոնվենցիան կնքվել է 1944 թ-ի դեկտեմբերի 7-ին Չիկագոյում` 52 երկրների միջև:

Ուժի մեջ է մտել 1947 թ-ին, կոնվենցիայի ստորագրմամբ հիմնադրվել է Քաղաքացիական Ավիացիայի Միջազգային Կազմակերպությունը` ԻԿԱՕ-ն:

Հայաստանի Հանրապետությունը անդամակցում է ԻԿԱՕ-ին 1992 թվականից:

ԻԿԱՕ-ի գլխավոր գրասենյակը գտնվում է Մոնրեալում (Կանադա):

ԻԿԱՕ-ի հիմնական նպատակներն են`

Թռիչքային և ավիացիոն անվտանգության ապահովումը և միջազգային քաղաքացիական ավիացիայի զարգացումը ամբողջ աշխարհում:

Անդամ երկիրներին պատկանող օդանավերի, օդանավակայանների, վազքուղիների զարգացման և այլ ավիացիոն գործնեության ապահովումը:

Հայաստանը ԻԿԱՕ-ից պարբերաբար ստանում է բոլոր այն նորմատիվ ակտերը և տեղեկատվությունը, որոնք կապված են ավիացիոն անվտանգության ապահովության, ուղևորների սպասարկման, ուղեբեռի, բեռի հետ, ինչպես նաև այլ տեղեկատվություն միջազգային ավիացիայի գործունեության վերաբերյալ:

2005-2010 թվականը ԻԿԱՕ-ն առաջնահերթ որդեգրել է ռազմավարական զարգացում
հետևյալ ուղղություններով`

• ավիացիոն անվտանգություն
• թռիչքային անվտանգություն
• շրջակա միջավայրի պահպանում
  
• արդյունավետության բարձրացում
  
• շարունակականություն (ավիացիոն գործողությունների մեջ)
  
• ազգային օրենքների կիրառման ուժեղացում

JAA Միացյալ Ավիացիոն Իշխանություններ

JAA-ը Եվրոպական պետությունների ավիացիոն իշխանությունների համագործակցության մարմին է:
Ստեղծվել է 1990 թ-ին Կիպրոսում:


JAA-ի հիմնական նպատակն է` ավիացիոն և թռիչքային անվտանգության ստանդարտների միասնականության ապահովումը` Եվրոպայի ամբողջ տարածքում, ինչպես նաև Եվրոպական պետությունների ավիացիոն արտադրատեսակների արտադրության արդյունավետության բարձրացումը:

Հայաստանի Հանրապետությունը հանդիսանում է JAA-ի անդամակցության թեկնածու երկիր:

Ներկայումս Եվրոպական Միությունը պատրաստվում է JAA-ի բոլոր գործառույթները հանձնել Ավիացիոն Անվտանգության Եվրոպական Գործակալությանը (EASA), որի հիմնական նպատակներից մեկն է նաև Եվրոպական միության անդամակցության թեկնածու պետություններին այդ կազմակերպություն ներգրավվելը:

ECAC /ԵԿԱԿ/> Քաղաքացիական Ավիացիայի Եվրոպական Կոնֆերանս

Քաղաքացիական Ավիացիայի Եվրոպական Կոնֆերանսը (ԵԿԱԿ) հիմնադրվել է 1955 թ-ին: Անդամակցում են 42 Եվրոպական երկրներ:

ԵԿԱԿ-ի հիմնական նպատակն է` ապահովել Եվրոպական երկրների օդային տրանսպորտի կայուն զարգացումը:
ԵԿԱԿ-ը իր անդամ պետություններին ապահովում է համապատասխան գրականությամբ և տեղեկատվությամբ:

Հայաստանի Հանրապետությունը անդամակցել է ԵԿԱԿ-ին 1996 թ-ից:

ՄԱկ-ը հիմնադրվել է 1991թ-ին` նախկին ԽՍՀՄ 12 պետությունների կողմից, «Օդային տարածքի օգտագործման և քաղաքացիական ավիացիայի մասին համաձայնագրի» ստորագրմամբ:
ՄԱԿ-ը հանդիսանում է անդամ-պետությունների օդային տարածքի կազմակերպման և քաղաքացիական ավիացիայի բնագավառի գործադիր մարմին:

IATA /ԻԱՏԱ/ Օդային Տրանսպորտի Միջազգային Ասոցիացիա

ԻԱՏԱ-ն հիմնադրվել է 1945 թ-ին` Կուբայում:

Հիմնական նպատակն է` ավիաընկերությունների միջազգային համագործակցության ապահովումը, մատուցված ծառայությունները անվտանգ, հարմարավետ և առավելագույն տնտեսական օգուտով սպառողներին մատուցելը:

Ներկայումս ԻԱՏԱ-ն ունի 189 անդամ-երկրներ:

EUROCONTROL /Եվրոկոնտրոլ/

Աերոնավիգացիայի անվտանգության եվրոպական կազմակերպությունը` Եվրոկոնտրոլը, համաեվրոպական կառույց է, որի գործունեության հիմնական նպատակը օդային երթևեկության սպասարկման միասնական եվրոպական համակարգի հիմնումն է:

Իր խնդիրների իրականացման նպատակով, Քաղաքացիական ավիացիայի միջազգային կազմակերպության` ԻԿԱՕ-ի ընդհանուր բնույթ կրող միջազգային ստանդարտների հիման վրա Եվրոկոնտրոլը մշակում է աերոնավիգացիոն բնագավառի եվրոպական պահանջները, միջազգային ստանդարտների ներդրման մանրամասն ընթացակարգերը և տեխնիկական ուղեցույցները:

Կազմակերպությունն իրականացնում է աերոնավիգացիոն բնագավառի տեխնիկական զարգացման, օդային երթևեկության կառավարման գործընթացների և թռիչքների անվտանգության հարցերին առնչվող միջոցառումների համալիր եվրոպական ծրագրի մշակումը և անդամ երկրներում դրա ներդրման աշխատանքների կոորդինացումը:

Եվրոկոնտրոլն անդամ երկրների համար ապահովում է.

1. 1.Միջազգային օդային մայրուղիների ցանցի համատեղ մշակումը, և օդային երթևեկության հոսքերի բաշխումը:
2. 2.Վերը նշված ծրագրի ներդրման համար անհրաժեշտ տեխնիկական, մասնագիտական ու մեթոդական օժանդակություն:
3. 3.Օդային երթևեկության սպասարկման դիմաց օտարերկրյա ավիաընկերություններից վճարների գանձումը և անդամ երկրի համապատասխան կազմակերպությանը այդ գումարների փոխանցումը:
4. 4.Դիսպետչերական, ինժեներական մասնագետների և ղեկավար կազմի անվճար պատրաստումն ու վերապատրաստումն իր ուսումնական կենտրոնում, և այլն:

Հայաստանը Եվրոկոնտրոլ-ին անդամակցում է 2006թ-ից: