Այսօր ՀՀ ԿԱ քաղաքացիական ավիացիայի գլխավոր վարչության նախաձեռնությամբ հերթական անգամկազմակերպվել էր աշակերտական  շրջայց ոլորտի մի քանի կառույցներում: Այս անգամ հյուրերը Երևանի Ն.Գոգոլի անվան թիվ 35 դպրոցի սաներն  էին: Աշակերտներին ուղեկցում էր դասղեկը՝Անահիտ Սարիբեկյանը:

Ութերորդցիները  նախ եղան <<Ավիաուսումնական կենտրոն>>-ում, տեղեկացան, թե ինչ մասնագիտներ են պատրաստում ուսումնական այս հաստատությունում: Աշակերտներին հատկապես գրավեց օդաչուի ու ավիակարգավարի  մասնագիտությունները:

Վաստակավոր օդաչու  Վիկտոր Շախատունու կողմից աշակերտների համար ընթերցվեց նաևդասախոսություն՝ անդրադառնալով մեր երկրում ավիացիայի ստեղծմանը: Այնուհետ աշակերտները եղան Հայաստանի ավիացիայի պատմության թանգարանում, նրանց տրամադրվեց տեղեկություններմեր հայտնի ավիատորների կյանքի ու գործունեության, նրանց կողմից գործած սխրանքներիմասին:

Վառ տպավորությունները շարունակվեցին ավիակարգավարական  երկու  կետերում, որոնցից մեկը սպասարկում է  մինչև 400 մ բարձրության թռիքչները, մյուսը՝ 400-ից բարձր.մանրամասն բացատրություն ավիակարգավարի աշխատանքի  վերաբերյալ, հարց ու պատասխան, մերօդային երթուղիների ուսումնասիրում ու քիչ առաջ ստացած տեսական գիտելիքների՝ արդենգործնական կիրառման դիտարկում: Այցի վերջին կանգառը օդանավում էր, այնտեղ էլ  ցույց տրվեցին օդաչուի, ավիատեխնիկի ու բորտուղեկցորդի աշխատանքի նրբերանգները, օդաչուի խցիկում էլ աշակերտներին հուզող հարցերին  տրվեց հստակ պատասխան:

Այցի արդյունքում սաներից  մի քանիսը հստակ կողմնորոշվեցին. իրենց ապագան տեսնում են ավիացիայում: